~डा.सोमबहादुर चातेला~
कामहोइ फुर्सद माजेङहि जातिरि लोलि
मन ते उताङ हिघाखे नि जातिरि खाङलि
हाइपालि परिबेस बेला लाम्फाको मान्थु ला
जिसो कोसोङ भ्याइलि गोइका चारपाहाङ माभ्याइखे ला ।
सानाइतिगेलाइ फोन पाखे लोलि दोअ्तेङ
भेटघाट ज्यावा, दुखसुख काथा पाङ दोअ्तेङ
टाइम मिलिपालि ते भोःघा मादोघा इदिखे
चेर माताम्पासु ओउ बुढाठाकुर, चाउमाझि, लाक्छिमि बेराङ
नावा धानाधानिगेलाइ भेटघाट ज्याको, काथा पाको
ताइ थामेता नाल्स्वाको, हितचित ज्याको ।
धेमालाइको दिरराङगेलाइ झाराङहेङ आसिस प्याको
नावा पुस्ताकालाइहेङ ज्ञान, सिप, कला, प्रविधि प्याको
जातिरि न्हुसो इतिहास लेखेका भोःका बानाइ प्याको
धेमालाइको प्रतिभागेलाइ भुरुरुपा ओल्हेपाप्याको ।
मादोघा लोलि इदिखे चेर माताम्पासु ओउ दिरराङगेलाइ
भेनाङ बासार आखार २ गते आरोङ नावा किताप चुम्तेङ लाङका
कोकोबेला थेकापा केलाइको धेमालाइता ज्ञानगुन चारचारायाको
झाराङको काथा दिरराङगेलाइ हिङप्याको, आसिस प्याको ।
डा.सोमबहादुर चातेला धिमाल
जोरपाटी, काठमान्डु
(स्रोत : धिमाल डट कम)
