~सुधा मिश्र~
पावनि कय हम
पियाके दुलारी
सेनुर पिठारक थाप दक
पुजबै वरक गाछ गे
माँगि लेबै अहिबात गे
वर गाछ तर विपहर पुजबै
सउसे पात खोपामे खोसबै
लावा दूध मधुर अँकुरी सँग
चढेबै लिच्ची आम गे
माँगिलेबै अहिबात गे
नव बियन लँ गाछके हौकबै
घेटा-जोरी सेहो हम करबै
पिअर नुआ लाल चुरी पहिरक
करबै सोरह श्रृङ्गार गे
माँगिलेबै अहिबात गे
माँ सावित्री सँ आसिख लेबै
जाबत जिबै वरसाइत पुजबै
प्रीतक सुत सँ वरके लपेटिक
खोइछमे भरबै वरदान गे
माँगिलेबै अहिबात गे
सुधा मिश्र
जनकपुरधाम-४,धनुषा
प्रदेश न २,नेपाल
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
