~मनिस धिमाल~
बार्का बार्का वाइ गेलाइता बुङ झापाहि केलाइ हेङ
फुल्टिङ चालाइका खुरता झान्डा चापाहि केलाइ हेङ
हाइ दोलि दालि केलाइ माबुझिका द्याङ जेङनाहि
ओबालाई हिसो हानेखे ओसोङ धाःपाहि केलाइ हेङ
ओबालाइ हेङ गोताङ थाहा हि धेमालाइ सिधा हिका
ओदाङतेना जामालाइ खिनिङ घाःपाहि केलाइ हेङ
हाइदोङ दोलाउबुङ पुरिङ तिकिउ पाका धेमाल
आलाछिना गेलाइको आनमाने फापाहि केलाइ हेङ
सिधा जेङलि बुङ ए हिसाबसो ते मारेम्का दोङ भाने
मारेम्का काथा हिङपातेङ बुङ सापाहि केलाइ हेङ ।
मलेसिया
(स्रोत : धिमाल डट कम)
