~ईन्द्र प्रकाश शाह~
निशब्दताको उत्कर्षमा
हरेक पल
नियालीरहे
जिन्दगीका पाटाहरू
पाए त केवल
मौनताका स्वप्निल आयामहरू
खुसीका मन्द परिदृश्यहरू
खैर,
आशाको झिल्को
अझै बिघ्न छ
यो निश्चल मनमा
शिखरको अन्वारोहण जस्तो
बेगको अभिनव बहाब जस्तो
अझ,
खुसीका नुरहरू
परिवर्तनका उचाईहरू
यथेष्ट चमकहरू
हरप्रहर जागृत भइरहन्छन्
त्यसैले त,
म चाहान्छु, एक प्रेमिल जिन्दगी
सौहार्दताको प्रतिक
उत्कृष्टताको निशानी
तादम्यताको सरगम ।।।
(स्रोत : रारापाटी डट कम )
