~खगेन्द्र गिरी ‘कोपिला’~
मसँग व्यवहार त केही फरक गर्नु नि
मलाई गर्ने प्यार त केही फरक गर्नु नि
उनै घुर्की नखरा, उनै कटाक्ष मात्रै छन्
ममाथी अत्याचार त केही फरक गर्नु नि
था भो वचनको वाण यति घातक हुँदोरैछ
फूलले हानी प्रहार त केही फरक गर्नु नि
संकोचको डोरीले बाँधे पनि मुटुलाई
मौनताले सत्कार त केही फरक गर्नु नि
अरुझैं लोभी नठानेर यी आँखालाई
मेरो सामु श्रृङ्गार त केही फरक गर्नु नि
(स्रोत : रारापाटी डट कम )
