~सुजन बुढाथोकी ‘कान्छा’~
के भएर बढेको हो आज यति धेरै सुन्को भाउ
सायद, मैले धेर हेरेरै होला चढेको उन्को भाउ
मैले त सोचेको थिए त्यो धर्म हो मानबता हो
गुलाम सम्झेर तोकिदियो उस्ले मेरो गुन्को भाउ
पिडित र गरिबहरु यहाँ न्याय नपाएर मरिरहेछन
धनी र अपराधिहरु किनिरहेछन कानुनको भाउ
सत्ता जस्तो त्यो आकास यदि तल हुदो हो त आज
हुने थिएन पृथ्बिमा यति बहुमुल्य त्यो जुनको भाउ
मेरो मुटुमा भाला रोपेर तिनिहरु अग्ला भएका हुन
सपनामा रुदैरुदै सहिदले भन्यो खै मेरो खुन्को भाउ
– रतुवामाइ,मोरङ्ग
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
