~अष्टनारयण धिमाल~
का फोम पाखा आतुङलाऊ कासेहेङ बोन्हाको दोइसोता जिम्पाका
एला खाङखा काङको आते तु हाजारको कोक्रो चोल्ही जामाल दोईली
का फोम पाखा झोराको दामादामा तेतेङ पढिली हानिका
एला खाङखा देराको जामालहेङ पढिली याउका गारि नानि लोका ।
क्यारेको घाराता किहाम चेङखिति युकाइतेङ ओलिपाका काङ
एला हिङखा हाया माङलि करेन्त लागाइतेङ द्याङ नासाका
दाका दाबेर दिरबे दापाङ चालि एला हिसो निङलि
फुरकुटि फुलिपातेङ कापालता भोइतेङ घालि एला दादाको चान निल्हि
पातेबारिता पातेसिङ तोतोइतेङ गुरुम्भि पेलि किखा
पातेबारि राम्हि गुरुम्भि युल्हि धाम्पिकाउ हिसो धाहि धाहि
पातेबारि राम्हि गुरुम्भि युल्हि धाम्पिकाउ हिसो धाहि धाहि ।
अष्टनारयण धिमाल
बेलाबारी-१०, माटिगाउँ
(स्रोत : धिमाल डट कम)
