कविता : कुहिरो

~भिमदर्शन रोका~

पर पहाडमाथि
पहाडभन्दा गरुङ्गो
तर स्पर्शभन्दा हलुङ्गो
लाम लागेर बिस्तार बिस्तार
उकालो चढिरहेछ कुहिरो
र
म पनि चढिरहेको छु
आफ्नै उकालाहरु
उसको समानान्तर एकले अर्कालाई हेर्दै
पहरा खोँच र खाडल तर्दै
उभिरहेछु पहरा र भीरहरुमा
बाढी र भेल बोक्ने नदीका तीरहरुमा
हिँडिरहेछु एक्लै एक्लै
क्षितिजपारिको आकाश हेर्दै
बादल भित्र आफ्नो आकार कोर्दै ।

****