~मधुश्री~
यो लामो यात्रा अप्ठ्यारो बाटो लडेछु भने म ।
शिखर चढ्दा खोँचमा कतै ढलेछु भने म ।।
नझारे आँशु, हिम्मत बोकी अगाडि बढ है ।
दुस्मन सामु नझुक सधैँ डटेर लड है ।।
जिवन हाम्रो देशको निम्ति युगको माग हो ।
जन्म र मृत्यु बीचको डोरी विजय माला हो ।।
जित्नु छ आज भोलिको पुस्ता रमेको हेर्नलाई ।
दुस्मन सामु नझुक सधैँ डटेर लड है ।।
बम र गोला, बन्दुक भाला काँडामै टेकेर ।
हास्नेछौँ हामी हिमाल सरी विजय लेखेर ।।
भौतिक रुप ढलेनी हाम्रो बाँच्ने छौ आस्थामै ।
नझारे आँशु, हिम्मत बोकी अगाडि बढ है ।
मधुश्री
३१ जेठ २०६७
(स्रोत : रचनाकारको ब्लगबाट सभार)
