~अजितकुमार धिमाल~
पासिमको टुप्पाता,
धिन्चिकिउ न्होतेङ
टिकिउ, टिकिउ पाखे…
हाइदोखे कालाउ …?
फाइसालाम होइ
ल्होसु दोखे ।
तर केलाइ
माल्होनाखे
बेला ल्होपाङ जिमन्हाखे
आल्छि मेन्हाखे, सिदाउ लाअ्लि
मादोन्हाखे ।
केलाइ हेङ
जिहा, जुइलेङ ल्होपाखे
झोरा, भेर्मा ल्होपाखे
तर केलाइ
माल्होनाखे
बेला ल्होपाङ जिमन्हाखे
आल्छि मेन्हाखे, सिदाउ लाअ्लि
मादोन्हाखे ।
केलाइ हेङ
झार ल्होपाखे
भोनोइ ल्होपाखे
तर केलाइ
माल्होनाखे
बेला ल्होपाङ जिमन्हाखे
आल्छि मेन्हाखे, सिदाउ लाअ्लि
मादोन्हाखे ।
अजितकुमार धिमाल
बेलबारी ९, काकुम
(स्रोत : धिमाल डट कम)
