~देवान किराती~
कोक्पाले रामायण पढ्यो
र, रामजस्तै आदर्शको बन्ने आशिष दियो ।
आपाले मार्कसवाद पढ्यो
र, मार्कसजस्तै हुने आशिष दियो ।
आमाले कुनै राजकुमारको दन्ते कथा सुनायो
र, राजकुमारझैँ बन्नु भन्यो
एकदम उस्तै राजकुमार ।
आखिर म
न त कोक्पाकै राम भएँ
न त आपाकै मार्कस भएँ
न त आमाकै राजकुमार
तै म आफू हुनुको अर्थ खोजिरहेको छु
जुन तर आज,
कोक्पाले
आपाले
आमाले
सबैले बिर्सिसकेका छन्
किनभने,
म नितान्त किराती भएको छु ।
