~शैलेन्द्र शाकार~
यो भूमण्डलबाट हराएर जाने छैन
मानिसको रगतको टाटो लागेको अक्षर
सत्ताका भाटहरूले बोकेर लाने छैनन्
पुस्तकालय, म्ञजियम र संग्रहालय
अथवा संविधान ।
पानीको दहमा ढुङ्गाको छालझैँ
हराएर जाने छैन
पानीमा लेखिएको अक्षरझैँ
क्रान्तिको अनुहार
आगो हाम्रो पिठ्यूँमा छ
सम्मुख हुनेछ कुनै दिन
मलाई थाहा छैन
म कुन देशमा के खोजिरहेछु ?
अमेरिकामा एशियन भएर
खोज्नुपर्ने काम कि स्वतन्त्र उन्मुक्त सास ?
कि गर्नुपर्ने डलर-परिश्रम
देश बिर्सेर खानुपर्ने आफ्नो अङ्ग ?
कि देश बिर्सेर मनाउँनुपर्ने आफ्नै शरीरपतनको उत्सव ?
– काठमाण्डौ, नेपाल
