~माक्सीम तान्क~
अनुवाद : विक्रम सुब्बा
म ती मानिसहरूलाई चिन्दथेँ
जो सबथोक जान्दथे
उनीहरू प्रति मलाई इर्ष्या लाग्थ्यो ।
म ती मानिसहरूलाई चिन्दथेँ
जो कहिल्यै गल्ती गर्दैनथे
उनीहरू प्रति मलाई इर्ष्या लाग्थ्यो ।
म ती मानिसहरूलाई चिन्दथेँ
जोसँग सँधै आफ्नो टाउको लुकाउँने ठाउँ हुन्थ्यो
उनीहरू प्रति मलाई इर्ष्या लाग्थ्यो ।
म ती मानिसहरूलाई चिन्दथेँ
जो प्रेमिकाहरूलाई लामालामा चिठ्ठी लेख्दथे
उनीहरू प्रति मलाई इर्ष्या लाग्थ्यो ।
अचेल म पहिलेभन्दा धेरै जान्ने भएकोछु
र गल्ती पनि पहिलेभन्दा कम गर्छु
बस्ने आफ्नै वास पनि छ
प्रेमिकाहरूलाई म पनि लामालामा चिठ्ठी पठाउँछु
तर मलाई आफुप्रि इर्ष्या लाग्दैन ।
– बेलारुष
