~निर्मलमणि अधिकारी ‘आयोदधौम्य’~
हजुरलाई छोडी जाँदा धेरै गोता पाएँ हजुर
अलिबेर हराए’नि फॆरि फर्की आएँ हजुर
हजुरभन्दा परपनि संसार होला भन्ठानेको
हृदयले नमाने’सि फेरि फर्की आएँ हजुर
कहाँ कहाँ पुगिएला भन्ने सोच व्यर्थ भयो
स्वप्नहरु उडी ग’सि फेरि फर्की आएँ हजुर
हजुरको स्नेहले मत्याएको रै’छ मलाई
यस्तो कुरा चाल पा’सि फेरि फर्की आएँ हजुर
संसाँझैमा फर्किनेलाई बाटो भुल्या भन्दैनन् रे
स्वीकार ल फर्की आ’सि फेरि फर्की आएँ हजुर
(२०५५।१२।६)
(स्रोत : रचनाकारको ब्लगबाट सभार)
