~अन्जु अञ्जली~
मुस्कानका ती लहर सँगै सर्सराउन थालें अचेल
ढुकढुकीमा तिम्रै नाउ फर्फराउन थालें अचेल
आफैलाई बिर्सीएर संझिएको मान्छे तिमी
तिम्रै यादका घाउ भरि चर्चराउन थाले अचेल
अपाङ्ग थ्यो जिन्दगी यो बैसाखी नै बनि आयौ
तिमी बिना प्रत्येक कदम लर्बराउन थाले अचेल
खै के जाँदु गर्यौ तिम्ले हर रात सपनिमा
पागल जस्तै तिम्रो नाम बर्बराउन थाले अचेल
नदिएरै दियौ तिम्ले प्रीतका यी नशाहरु
बेहोस–बेहोस भएछु म धर्मराउन थाले अचेल !
भोजपुर, कुलुङ
हाल : बेलायत
