~प्रकाश खड्का~
धर्धरि पानीमा
रुझेर मुसो जस्तै
निथुर्क,लुथुर्क म । १।
सिउसिउ गर्दै
थरथर कामेर
घर भित्र छिर्दामा । २ ।
ए, हजुर कता ?
भन्या मानिसेन है
कपाल पुस्दै उन्ले। ३।
कतै ओत लागि
बादल उग्रेपछि
आ’को भए हुन्थेन?। ४।
ए ! मेरी पियारी
अलि अलि भिज्दैमा
केही हुन्ननि क्या । ५।
परी आयो भने
त्यो पहाड बनेर
आँधी हुरी रोक्नु छ । ६।
सम्झेर ल्याउँछु
लडेकी थिन उनी
अरुले धुत्कार्दामा। ७।
खोटो सिक्का भन्दै
लाञ्छना मैले खेप्दा
सहारा थिन उनी। ८।
तप्प आशु झर्छ
खुसीले मनै रम्छ
पाएर उनी मेरी । ९।
प्रकाश खड्का
भक्तपुर, चाँगुनारायण नगरपालिका
हाल बोस्टन अमेरिका
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
