~बिजय सुब्बा~
कहाँबाट आएछ र लाग्यो मुखमा तालाहरु
शायद होला दर्खास्त लगाउन मुखमा मालाहरु
नातागोता केलाउँदा कतै पनि जोडिदैन
कहाँबाट अचानक टप्किएछन, सालाहरु
मान्छे भन्छन तेरा नेता रोजै गुफा धाउने गर्छन
बल्ल था’भो चिप्ला चिप्ला देखे पछि गालाहरु
जति थिच्दा पनि चुपलाग्ने भयौ किन होला
कस्तो लाश पार्यो हेर सरोकारवालाहरु
अरुका नि आँखा हन्छन् भन्ने ठुला सोच्ने हैनन्
गुरु थाप्नु पर्नेलाई ठान्छन् लालाबालाहरु
सहनु त सहिरहेँ तर बाँच्दै मरिरहेँ
अरुभन्दा आफ्नैका पो तिखा रैछन् गालाहरु
