~सुशांत सुप्रिय~
अनुवाद : प्रमोद धिताल
जब म सानो बच्चा थिएँ
त्यतिखेर म भित्र
एउटा नदी बग्थ्यो
जसको पानी सङ्लो
सफा र पारदर्शी थियो
त्यो नदीमा
रंगी–विरंगी माछाहरु
तैरिन्थे
जब–जब म
ठूलो हुँदै गएँ
मभित्र बग्ने नदी
फोहर हुँदै गयो
बिस्तारै–बिस्तारै
म युवा भएँ
तर म भित्र बग्ने नदी
अब एउटा फोहर नालीमा
फेरिइसकेको थियो
त्यसमा उपस्थित
अधिकांश माछाहरु
मरिसकेका थिए
त्यसको पानी अब
दुर्गन्धित भैसकेको थियो
जसमा रोग फैलाउने वाला मच्छेर हुर्किन्थे
यो दुनियाका
सारा नदीहरुको व्यथा हो
यो दुनियाका
सारा मानिसहरुको कथा हो
(स्रोत : शब्दशिखा डट कम)
