~अलका मल्ल~
अनुवाद : दीपक तुलाधर
मनूत लिसे वने मस:म्ह मनू जि
खुसिनाप बा: वने गथे फै रे जि !
मनूतयत हेयेके मस:म्ह मनू जि
परिस्थिति नाप ल्वाये गथे फै ले जि !
मनूया मिखाय् न्ह्यंके मस:म्ह मनू जि
तुफान फय् या लू दयेके गथे फै रे जिं !
मनू लिसे नुग: हिले मस:म्ह जि
ऋतुथेँ हिलावने गथे सै रे !
मनूया भाय् मथूम्ह मनू जि
भावनाय् झुमी वने गथे फै रे !
याक:चा वनेगु बानी जूम्ह जि
मतिनाया अर्थ गथे थुइके फै रे !
ईलं धिना: छोर्म्हुया वंम्ह मनू जि
खुसिबा: नाप हुत्तेजुया: वने गथे फै रे !
लत्ताइ मदुगु भुतुमालि थेँ जा:म्ह मनू जि
खिँउगु लँय् वने गथे फै रे !
फसं ब्वयेका ह:म्ह मनू जि
भुमरी नाप ल्वाये गथे फै रे !
वां दाया: म्ह छम्हं प्याम्ह मनू जि
निभा: लिसे त्वाये चिने गथे फै रे !
बस्तिया हुलय् तंम्ह मनू जि
मनू तयेत हेयेके गथे फै रे !
च्वमि : अलका मल्ल येँ ।
भाय् हिउम्ह: दीपक तुलाधर
-कान्तिपथ, काठमाडौं
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
