~बिक्रमादित्य~
छन्द : शार्दूल विक्रीडित
झर्दै आज छ अन्धकार मधुरो निम्तार यादैहरु
हावा आइरहेछ ढल्मल गरी छर्केर बास्नाहरु
तिम्रै साथ छ यो पला बिगतका त्यै याद निम्त्याउने
तिम्रै हात छ प्रेमलाइ प्रियसीको याद बिर्साउने॥१॥
…
देख्दा छौ तरलै तिमी बगिरने खोला नदीको जल
ल्याएझै जल त्यै भरी बतलमा बिक्छौ तिमी हर्पल
बन्यौ एक तिमी मिठो र नमिठो संसार छुट्याउन
बन्यो लायक क्वै भने संग तिमी खोज्छन प्रिती गासन॥२॥
दिन्छन प्यार जुनीभरी जब पिए चुस्की ल चाख्ने भनी
दिन्छौ अल्प पियार प्रेम जसरी मातिन्छ उस्को मती
संगै छौ सबको यहा हरदमै को छैन खाने कहा
यौटा नोकर मालिकै ल जसरी खादैछ रक्सी यहा॥३॥
राम्रा हट्ट र कट्ट जोबन यसै पार्दै तिमी जालमा
खेल्दै ज्यानभरी तिमी त सुकुटी चप्काई क्या मालमा
रोगी ज्यान लिई लुरुक्कसगले धाउछ बैध्यै संगै
बैध्यै भन्दछ अल्सरै भय अझै खाए त क्यान्सेर है ॥४॥
रोगी भन्दछ लौ अझै म जिउने बाच्नेछु संगै तिमी
तिम्रो हेर्छ मुहार ऊ दिनदिनै सक्दैन ल पाल्न तिमी
कस्तो मात भयो अरे ल अहिले छाडेर छाडिन्न रे
खाए भन्दछ चाख्न त्यै यवनमा होसै गुमायो अरे॥५॥
तिम्रो ज्याजति भो अती भुवनमा वीस्की र ब्राण्डी वइन्
अस्ती सम्म रुने उ स्त्री बियरमा भोड्का ल खानै गइन्
लोग्ने भन्दछ रे नखा अब नजा भट्टी ल स्वास्नी भरे
स्वास्नी झन्न रिसार समान हक हो गर्जेर भन्छे अरे॥६॥
खान्थ्यो रे रम ऊ रमाइ उसले स्वास्नी नि मारेछ रे
बेश्या तास र ज्वाँ अनेक यिनमा मास्यो ल जग्गा अरे
मार्यौ बाहनमा युवाहरु अरे फ्याकेर होसैहरु
मै हूँ भन्दछ रे पिए जब तिमी गन्दैन रे हो अरु॥७॥
क्वै क्वै भन्दछ जाँगरै नचलने साथै नपाए तिमी
दिन्छौ रे ल मिठो ए सग सगै निन्द्रा गजब्कै तिमी
तिम्रो ख्याति हुने जुगजुगै जन्मेर आयौ यहा
सप्पै लेर ल जाउ संग अहिले खादैछ को को जहा॥८॥
शक्तीमान तिमी ल आचमनिले संगै अचाऔ सधै
भट्टी मन्दिर मानि पण्डित हुने त्यो साहु बस्ने सधै
अर्को इश्वर हौ म दर्शन गरु बिन्ती छ लाखौ रम
पूजा आज गरी भजौ ल महिमा भट्यार यै हर्दम॥९॥
-बिक्रमादित्य
(स्रोत : रचनाकारको ब्लगबाट सभार)
