गजल : टाढा भयो भनेर

~राजेन्द्र चोथाले~

किन रोऊँ एउटा टाढा भयो भनेर
संकोच छाडी देउता छाडा भयो भनेर

रोपेको पनि फूल नै हो फुलेको नि फुलै हो
स्वधर्म छोडी तिखो काडा भयो भनेर |

पुजिएको अहंमले साइतको घडा त्यो
छलकेर आफै रितो भाडा भयो भनेर

मायाको पाथी मुरी दिदादिदै निस्ठुरी
सुनको पछाडी लागि बाड़ा भयो भनेर

आफन्त धेरै मिल्छन आफ्नो बनाउन जाने
रोकिन्न नदी सामु डाडा भयो भनेर |

(स्रोत : रचनाकारको ब्लगबाट सभार)