~बिपिन शर्मा~
हाम्रो दुई जीवन रेखा विच
कहीं कतै मिलन विन्दु छ
जहाँ,
अलग आँखाले देखेका
स्वप्नहरुको समागमवाट
निरन्तर खुसीहरु जन्मिरहेका हुनेछन्,
सोचौं
आज रोपेका विश्वासहरु
कुनै दिन त फुल्नेछन्,
आज बोकेका व्यथाहरु
भोलीका पलहरुले भुल्नेछन्,
अनि जीन्दगी,
केही पाए जस्तै
केही गुमाए जस्तै
पाउनु र गुमाउनुमा अद्भुत
खुसी हुनेछ उस्तै,
जीवन एउटा पर्खाई बन्दैछ,
हो,
जीवन एउटा आशा बन्दैछ,
किन हामी लक्ष्यलाई
अनन्त सम्म नधकेलौं ?
किन हामी सारा आशा
टिपेर नसमेटौं ?
हो, अँध्यारो छ सर्वत्र
त्यसैले त आशा छ उज्यालोको,
लाग्छ,
अनन्त भन्दा टाढा अनन्तमा
एउटा बिहानी हुँदैछ,
हाम्रो चाँदका अश्रुथोपा
मोती झै टिल्पिलाउँदैछन् त्यहाँ,
कल्पन्छु,
सारा मोती समेटेर एउटा माला गासौं
हाम्रो पहिलो भेटमा
तिमीलाई उपहार !
तिमी मुस्कुराउँछ्यौ,
कोइली गाउँछे एउटा गीत
आगमनमा कसैको
ऋतु बोल्छ…..
शिशिर तिमी जाऊ !
म आएँ बहार!
त्यो क्षण हामी सोचौंला
यो सब…..
मित्रता थियो कि प्यार !!!!!!
Bipin Mishra
Gairi Dhara, KTM
(स्रोत: तन्नेरी डट कम – Issue 5 – Baisakh, 2062)
