गजल : चोट बल्झाइदियौ

~बिपिन शर्मा~

भेटिएको के थिएँ तिमीले हराइदियौ
नाम नलिंदै बदनाम मलाई गराइदियौ

विश्‍वासको दियो निभाइ तिमीले
मेरो जिन्दगि अँध्यारो बनाइदियौ

साथ चल्ने बाचा हजार गर्थ्यौ
आज एक्लो मलाई बनाइदियौ

दुखेको थिएँ त के, सहेकै थिएँ
दया देखाइ क्षणभर सुम्सुम्याइदियौ

मल्हम लगाउने झूठो बहानामा
यो चोट फेरि बल्झाइदियौ ।।

Bipin Mishra
Gairi Dhara, KTM

(स्रोत: तन्नेरी डट कम – Issue 11 – Kartik, 2062)