~एकादेशको गगनराज~
हिजोआज मलाई आउँछ बल् साँझतिर।
एक्लै भएँ प्यारो भा’छ बोतल् साँझतिर।
जुनकिरी नै प्यासी बने अकस्मात फेरी
हुन्छ जुन्लाई मलाई हेरी तल्तल् साँझतिर।
मेरै पछि लाग्छ किन छाँया पनि अचेल
रात,दिनमा ठीकै तर हल्चल् साँझतिर।
बेहोसी मै मिठो भुल गरेँ जिन्दगीमा
तस्बिर छुन पुग्छु उनको पल्पल् साँझतिर।
भरिएछ महफिल यो लौ न अचम्म भो
मदहोसमा डुबेको छ गजल साँझतिर।
रहर च्यापी बाफिएको धेरै भयो हावा
के को हुनु अब’गगन’शीतल साँझतिर।
एकादेशको गगनराज
गजलशिविर, राजधानी
