~आबेश~
के भो जिन्दगी
भावना बुझ्न पाइएन
के भो जिन्दगी
तृष्णा मेरो मेटाउन सकिएन ।
के भो जिन्दगी
आशुँ झारेर म रोइन
के भो जिन्दगी
मुस्कान छरेर म हाँसिन ।
के भो जिन्दगी
यहाँ अनायसै जित र हार
छैन म भित्र कुनै बहार
माया प्रित समयको खेल
मिलन र विछोडको भेल ।।
के भो जिन्दगी
चाहनाहरु चाँहमै हराएछन्
बहानाहरु बहमै लुकेछन
सपनाहरु निद्रामै सकिएछन्
कल्पनाहरु क्षणमै सिबिएछन ।
– तनहुँ
हाल, काठमाण्डौ (सामाखुसी)
