~गोकुल जोशी~
क्रान्ति गर्ने हिंसावादी हुने भएदेखि
तिमी नै हो हिंसावादी नगरन सेखी ।
गरिबको सुस्केरामा रुन्छ तिम्रो आत्मा
वेचिदिन्छौ जिन्दगी नै विदेशीको हातमा ।
ऋण तिर्न नसकेर विदेशमा झर्छौ
अंग्रेजको जालभित्र चालै नपाई पर्छौ
लडाई र बढाईमा खर्च गर्ने धन
कारखाना र कलेजमा लगाउन भन ।
आपसको विद्रोहले आगो लाग्यो घरमा
नचिच्याउ अमेरिकी डलरको भरमा
पेशा तिम्रो किसानको शोषण गरी खाने
ढोंग रच्छौ जनतालाई घाटो देखाउने ।
भोकभोकै मर्न लागे कवि कलाकार
तड्पाएर नमारिधौ झुण्डाएर मार ।
(स्रोत : धनकुटा सन्देश – नवौं अंक नोभेम्बर, २००५)
