~गोविन्द विकल~
चमेराहरु
रुखमा उल्टो झुण्डिन्छन्
र, हरेक कुरालाई उल्टो देख्छन्
सडकमा जुलुस कुदिरहेछ
जुलुसमा लाठी, ढुगा–मुढा बर्सिरहेछन्
कतिको टाउको फुटिरहेछ
र रगत बगिरहेछ
तर, चमेराहरु यस्तो दुर्दान्त दृश्यलाई
प्रेम–उत्सव देख्न्
र ढुंगा–मुढालाई फूल बर्सेको देख्छन्
चमेराहरु
उल्टो झुण्डिएर
रक्तपात्र देख्दा
हर्षोल्लास नाच्छन्
त्यी चमेराहरु
–धरान
(स्रोत : धनकुटा सन्देश – नवौं अंक नोभेम्बर, २००५)
