~शोभा गुरुङ्ग~
करोना , त कति धेरै रिसाईस
समस्त प्राणी जगतसँग रिसाईस
सानाठुला, धनीगरिबसँग रिसाईस
अखिर किन ब्रह्माण्डमै खैलाबैला मच्चाईस !
सफाईमा ध्यान नदिदा रिसाईस कि ?
परिवारलाई समय नदिदा रिसाईस
खानपानमा ध्यान नदिदा रिसाईस कि ?
आखिर त किन मानव जगतसँग रिसाईस ?
सद्भाव खल्बलिदा रिस उठ्यो कि ?
मेरो लाईफ स्टाईल देखेर रिसाईस
कि मेरो बैक बैलेन्स, महल हेरेर रिसाईस ?
आखिर त किन मेरो प्रगतिमा रिसाईस ?
यति पावरफुल मानवजाती म
संसारका समस्त प्राणि, पशुपंछी, जलचर
थलचरलाई क्वारेन्टाईनमा राख्ने म ।
नदेखिने, नसुनिने, नछाम्न सकिने
त कुन शक्ति होस आखिर
अहिले तैले नै मलाई
क्वारेन्टाईनमा राख्ने ????
मिति २०७६/१२/११
(स्रोत : रचनाकार स्वयंले ‘नयाँ रचना पठाउनुहोस्‘ बाट पठाईएको । )
