~रुद्र ज्ञवाली~
इस्पात बन्छ सेतो घोटे फलामलाई
क्यै हुन्न दानभेटी अर्पेर रामलाई
खाई कसम यो देश निर्माणको निमित्त
चल्नु छ आज ठूलो ठानेर कामलाई
यो जिन्दगी त के हो विश्वासको कुरा हो
सुम्पेर बस्छ मान्छे घाँटी हजामलाई
वस्तु सबै जगतका हुन् स्रोत सिर्जनाका
निस्कन्छ तेल चिल्लो पेल्दा बदामलाई
प्रयोगमा सबैछन् बेकार के छ भन्नु
विद्युत बल्छ जम्मा पारेर घामलाई
– Bhairahawa
(स्रोत : अभिव्यक्ति – दुइ महिने साहित्यिक पत्रिका – वर्ष 46 | पुर्णाङ्क 89 | Baisakh-Jestha,2063)
