~दयाकृष्ण राई~
निल आर्मस्ट्रङ्ग तिमीले चन्द्रमाबाट
पृथ्बीतिर फर्केर हेर्दा
ग्यालिलियोले भनेको गोलो पृथ्बी
च्याप्टो नभएर गोलो नै देखेका थियौ
तिमी पछि जानेहरु सबैले गोलो नै देख्ने गर्छन रे !
अँ अनि तिमीले,
मेरो छाउन नसकेको छिद्र छिद्र परेर
डाँडा भाटा मात्रै बाँकी रहेको टहरोमा भोकै सुतेर
पेटमा मुसा कुदेको देख्यौ कि देखेनौं ?
जति पौरख गरेर पनि पेटभरि खाना नपाउने
तेस्रो मुलुकमा जन्मेको म
मेरो पसिनाको नुनिलो गन्ध सुँघ्यो कि सुँघेनौ ?
पृथ्बीमा मानिसले तेरो र मेरो भन्दै
आ–आप्mनै देशहरु सिमाङ्कन गरेको
कृत्रिम रेखाहरु देख्यौ कि देखेनौं ?
तिनै कृत्रिम रेखाले कोरिएका
भीमकाय देशहरुको बीचमा
ख्याँउटे देश, गरिबी रेखामुनि बन्द भएर
बसेको ध्रुब तारा हँु म
तिमी ले मलाई चिन्यौ कि चिनेनौं ?
बेलायत वेल्स कार्डिफ
