~दीपा लिम्बु राई~
समुद्रको किनारामा
हुत्तिदै आउने छालहरुसँगै
आधि भिज्दै सधैं सधैं
यी यस्तै साँझहरु
ऊ समुद्र एक टकले हेरिरहन्छ ।
समुद्रको पारि क्षितिज
कतै प्रेमिल अवशेष बाँकि छ ?
पक्रिन सधैं सधैं
यी यस्तै साँझहरु
टोलाएर सधैं
ऊ समुद्रतिर फर्किरहन्छ ।
जीवन भोगाईको
अनेकन गुनाशोहरु
माटो गुमाउदाको कथा
ग्रिनेड लन्चरले ध्वस्त बनाएको छातीको आँशु
यी यस्तै साँझहरुमा
समुद्रलाई सुनाउँदै धोईरहन्छ ।
-धरान, सुनसरी । हाल : सेरिया, ब्रुनाई
