~रमेश भट्टराई ‘सहृदयी’~
नयन अश्रु दाग लुकाइ हाँसो बाहिरी देखाएर
भाग्य रेखा टुक्रिएको जीवन गीतलाई लेखाएर
सोध्छन् साथी ‘के छ खबर ?’ भन्छु, राम्रो चलिरा’छ
दिलको कथा मनको व्यथा एकैछिनलाई फेँकाएर
घाउ गहिरो खाटो बस्न गाह्रो रै’छ दिलभित्रको
सग्लो बाँच भन्छ दैव ! वैशाखीमा टेकाएर
ज्योतिषीले भन्छन् बाबा खोटो तेरो दुःखी कर्म
विचरो भो हाय ! जीवन जिउने मार्ग छेकाएर
गरिब हुनु के– पाप हो ? हेप्ने आफ्नै मित्रजनले
महल हाँस्छ अट्टहासमा मेरै श्रम सेकाएर ।
Ramesh Bhattarai
Lecturer
Adarsha Multiple Campus
Gajuri 1, Dhading
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
