~मेन्जावीर चौधरी~
तुहार मुस्कान गजल जैसिन
तुहार मुहार कमल जैसिन
तुहार नरम-नरम ऊ ओठ
लागत नसासे भरल जैसिन
स्टेजमे अपन ऊ पुत्ठा हिलैथो
बैंसाके जवानी चढल जैसिन
तुहार करिया-करिया ऊभुत्ला
बरफ पानीले भिजल जैसिन
नेँहगा-चोलिया लगाके तु प्रिया
दिखैथो क्याभोली चञ्चल जैसिन
जबसे तुहिन गजल सुनैनु
तु ते गजलमे पतल जैसिन
तुहार कानम झुमका होकिका
लागत धोलना घलल जैसिन
आँखीम काजल नाकम फूलीबा
तु मोर अप्सरा बनल जैसिन
तिर्छी नजरिया महिन हेर्लो तु
ते तीर दिलमे चलल जैसिन
तुहिन देखके यीबात सोच्नुमै
तु मोर प्यारमे फसल जैसिन
– मेन्जावीर चौधरी
हसुलिया-९, कैलाली
(स्रोत : थारु गजल फेस्बुक पेज)
