~छविलाल खड्का~
जुन मान्छेले बनायो, मन्दिर हेर
उस्कै लागि भो निषेध, मन्दिर हेर ।
श्रम चलेछ चलेन, पानी र जात
कस्तो रहेछ उसको, तक्दिर हेर ।
शुद्र या वैश्य ब्रामण, अनि यी क्षेत्री
उस्तै उस्तै छन् सबका, तस्विर हेर ।
ऐन नियम लेखियो, किताब भित्र
तोड्नु छ छुवा छुतको, जन्जिर हेर ।
चार जात छत्तिस, वर्ण फूलवारी
टीका सबैको साझा त्यो, अविर हेर ।
२०७६/०८/२६
छविलाल खड्का
कोहलपुर
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
