~डा बच्चु कैलाश कैनी~ 
मायाको दर भाउ छैन तोकेर केही हुँदैन ।
माया लागे पछी कसैले रोकेर केही हुँदैन ।
माया माया नै हो भेदभाव छैन कसैलाई
नि:स्वार्थ भए प्रेमको भारी बोकेर केही हुँदैन ।
देखेर हैन लेखेर मात्रै आफ्नो भाग पाइने रै’छ
जे हुनुछ सो भई जान्छ खोकेर केही हुँदैन ।
विस्वास विनाको माया यता न उता हुन्छ
यहाँ जरा बिनाको बिरुवा रोपेर केही हुँदैन ।
माया गर्नेले आफ्नो नठानी धोका दिएपछि
आफ्नै टाउको भित्तामा ठोकेर केही हुँदैन ।
पौष ७, २०७६ (२३ डिसेम्बर २०७६)
लन्डन, बेलायत ।
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
