~रिजाल किरण~
बहर : मुतकारिब मक्बुज असलम
बिखालु काडाँ बनेर डस्ने छिमेक कस्तो
मिलेर बस्दा जलेर मर्ने छिमेक कस्तो ।
पहाड पाखा तराई हाम्रो सुगन्ध माटो
सुगेर घाटी घटुक्क निल्ने छिमेक कस्तो ।
तरेर आँखा सदैव हाम्रो बिकास काममा
अनेक बाधक बनेर बस्ने छिमेक कस्तो ।
सिमाहरुमा किचोल गर्दै सदैव उग्र
बनेर साढे अधम छ हान्ने छिमेक कस्तो ।
विस्तार बादी घमण्ड त्यस्को बढेर साथी
लुटेर हाम्रो अस्मिता खेल्ने छिमेक कस्तो ।।
धन्यवाद ।
ठेगाना :-विराटनगर -१
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
