गजल : भनिएको नयाँ युग

~सदानन्द अभागी~

भनिएको नयाँ युग बनाउने पारा
बोली सुन्दै चकित छन् देशवासी सारा

जनताका रासनको कहीं छैन चिन्ता
देशभरि गुञ्जिदै छन् आन्दोलनी नारा

स्वार्थी तत्व प्रवल भो जन भए दुःखी
सूर्य चन्द्र माथ गर्दै चम्कन गो तारा

कोही भन्ने पहाडिया कोही मधेशिया
वग्नपर्‍यो सबैमा नेपालीपन धारा

लोकतन्त्र कमजोर प्रतिगामी दृढ
कष्टकर बनाइयो गरिबको चारा

(स्रोत : रचनाकार स्वयंले ‘Kritisangraha@gmail.com‘ मा पठाईएको । )