~रिजाल किरण~
छन्द : उपजाति
लुछे सिनो झै यस मातृभूमि
पिए निचोरी सब मातृभूमि
हजार राजा कति धान्नु पर्ने
सेवा उनैको गरि बस्नुपर्ने ।।
बन्यो अचेतै गणतन्त्र आज
विकास जाग्यो घनतन्त्र आज
कुर्सी विनाको सुख चैन छैन
नेता तिमीमा मति छैन छैन ।।
शहीद ले ती सपनाहरुमा
हान्यौ नि लातै पद लालचै मा
हिमाल झै यो शिर उच्च हाम्रो
ढाल्यो तिमीले गरि लात चाम्रो ।।
यो देशको आँसु बगि रहेछ
तिम्रा भने दैलत नै रहेछ
विदेशका पो भरिया रहेछौ
स्वदेश घाती लठुवा रहेछौ ।।
-विराटनगर -१
“अन्जान”
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
