~रत्नशम्सेर थापा~
जुनेली रात लेऊ गुलाफी प्रभात लेऊ
आज मनको अनुरोधमा माया सौगात देऊ
लहराझँै मुस्कुराउँदै सुवास छर्दै छर्दै आऊ
छहराझैँ रमाउँदै मिठास भर्दै भर्दै गाऊ
भड्कियोस् चिसो बतास गुञ्जियोस् धर्ती आकाश
रङ्गीन सपनासँगै पिरतीको मात देऊ
बैंसालु नयनमा म देखि रै’छु प्यारो घाम
मायालु यो मनमा म लेखी रै’छु तिम्रो नाम
छचल्कियोस् मीठो उल्लास सङ्ली रहोस् प्रेमको मिजास
बुझेर चाहना लहै धुकधुकीमा बास देऊ
(स्रोत : युवामञ्च २०६६ साउन)
