~आशांक उपाध्याय~
नहिडेको गोरेटोमा हिडूं हिडूं लाग्यो
आज किन नयाँ कुरा छेंडूं छेडूं लाग्यो
तिमीलाई देखे देखि भोक अनि निन्द्रा छैन
तिम्रै साथ तिम्रै छाँया बनू बनू लाग्यो
खुसि हुन्छु तिमि देख्दा हराउँछु तिमि भित्रै
तिमीलाई संगै लिई उडूँ उडूँ लाग्यो
कुनै दिन नदेखेमा तिम्रो मुहार एक फेर
बरालिन्छ मेरो मन कुदूं कुदूं लाग्यो
गाजलु ति नयनहरु तलाऊ झैं शान्त देखें
तिनै सुन्दर नयन भित्र डूबूं डूबूं लाग्यो
भन्छन हाम्रो मिल्दैन रे जात अनि परम्परा
नमानेको परम्परा मानूं मानूं लाग्यो
– सर्लाही, जनकपुर, नेपाल
(स्रोत : रचनाकारको ब्लगबाट सभार)
