गीत : रोधीभित्र आज

~राजेन्द्र चोथाले~

नांगै खुट्टा गोरेटोमा यताउती भाग्थिन्
मलाई त उनी अझै सानी जस्ती लाग्थिन् |

मेरो ख्यालै गएन छ लजालु बोलीमा
उमेरसंगै फेरिएको चौबन्दी चोलीमा
दोहोरीमा नाँचेका ती दौंतरीको माझ
भेटें मैले उनीलाई रोधीभित्र आज |

आँखामा गाजले मात ओठमा रातो लाली
मादलुको तालमा मिल्दो पाइला चाली चाली
नाँच्दै थिइन् ढुक्क उनी नमानेर लाज
भेटें मैले उनीलाई रोधीभित्र आज |

(स्रोत : रचनाकारको ब्लगबाट सभार)