~आशांक उपाध्याय~
यसपाली पनि आएन भनी नरुनु तिहारमा,
जुरेन दिदी तिहारको टिका यसपाली निधारमा !
परदेशको ठाऊँ सकिन आउन बुझाउनु त्यो मन,
मिलेछ भने ल्याऔला ख़ुशी अर्कोसाल मुहारमा !
साँझमा टुकी बालेर दिदी कुर्दी हौ मूलबाटो,
आउनेछ भाइ लगाउछु टिका भनेर निधारमा !
लक्ष्मीको पूजा गरेर पनि साँझको बेलामा,
भाईको रक्षा गरिदेऊ भनी माग्दिहौ बरदान !
चाहना मैले नराख्या हैन यसपाली आउनलाई,
सकिन मैले ल्याउन ख़ुशी तिम्रो त्यों मुहारमा !!
– सर्लाही, जनकपुर, नेपाल
(स्रोत : रचनाकारको ब्लगबाट सभार)
