कविता : फैसला

~प्रमोद धिताल~

सल्काउनु छ सपनाको दियो
अन्धकार गुफाहरुमा
रोप्नु छ सपनाकै बीउ
मुर्दाहरुको बस्तीभित्र
पैदा गर्नु छ बेचैनी र छटपटी
हिंउ झै चिसो जिन्दगीमा !

आदतमा ढाल्नुछ मुक्तिको हठलाई
बुद्धीविलाशको कैदबाट
बेनकाव गर्नुछ मुखौटाहरुलाई
मानिसको भेषबाट !

विजयलाई सुनिश्चित गर्ने
पराजयहरुसँग हातेमालो गर्नसिक्नुछ
फेरि आफ्नै विरुद्ध युद्धको घोषणा गर्ने
शाहस जुटाउनु छ !

– दाङ

(स्रोत : शब्दशिखा डट कम)