~आविष्कार कला~
सिमानामा बाँध होइन काडेँतार लगाइदेऊ
सरकारले डुबानको चिन्ता भगाइदेऊ ।
निजीकरण मौलाउदैछ समाजवादको यात्रामा
शिक्षा स्वास्थ्य निःशुल्क त गाईजात्रामा ।
समाजवादको यात्रा भनी सरकार कता जादैछ
महँगी र भष्टाचारले जनताको मन खादैछ ।
मेची देखी महाकाली सुन फल्ने ठाउँमा
छिमेकीको ठुला बाँधले डुब्यो गाउँ गाउँमा ।
बेहाल सधैँ बनाउदैछ छिमेकीको छुरीले
उसका बाँध हटाइदेऊ बाढी अनि हावाहुरीले ।
देशका युवा निर्यात गर्न सम्झौता गर्दैछन
तरकारीको विषादीले जनता मर्दैछन ।
विकासको नाममा पहाडलाई चिरेर
बस्ती सारा उठायो पहिरोले गाउँ छिरेर ।
धन कमाउने आशामा उड्दै जान्छन् आकाशमा
मरुभूमिले ज्यान लिई आउँछन् बाकसमा ।
देशका भविष्यलाई नपठाउ विदेशमा
यही माटोमा सुन फलाऊ हामी स्वदेशमा ।
विश्वभर विकासको नयाँ लाली छाउँदा नि
नेपालको उही हालत दुई तिहाइ आउँदा नि .
हिमाल पहाड तराईका सबै जनता पुकारौँ
सबै खाले बेथितिको घुम्टो उघारौँ ।
– मल्लरानी ३, प्यूठान
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
