गजल : सास खोज्नु पर्छ

~सूर्यकुमार चेम्जोङ~

गाँस खोज्नुपर्छ सास खोज्नु पर्छ
आफ्नै घरभित्र बास खोज्नु पर्छ

श्रम रोपेँ फुलाएँ ऊ भो धनी, मैले
खडेरीमा मधुमास खोज्नु पर्छ

मेरो ढुङ्गो-माटो मेरो आकाश हो
हैन भन्छौ इतिहास खोज्नु पर्छ

कता झरे मेरा आदिवासी फूल
मैले ऐले यही खास खोज्नु पर्छ

यहीँ गुम्यो मेरो देश अब मैले
एक एक धरती आकाश खोज्नु पर्छ।

-बक्लौरी – ८ सुनसरी

(स्रोत : साहित्यसरिता डट अर्ग)