~किरण खरेल~
मलाई तिम्रो मुस्कान हैन तिमी नै चाहिन्छ
केवल यौवन हैन जीवन नै चाहिन्छ
सुखमा मलाई रमाउने साथीले मात्रै पुग्दैन
दु:खमा हात समाउने कोही नभै हुँदैन
मलाई तिम्रो इसारा हैन नजर नै चाहिन्छ
केवल यौवन हैन जीवन नै चाहिन्छ
तिर्खाको बेला बगेको खोला हेरेर पुग्दैन
एकमुठी चिसो पानी त पिउन नपाई हुँदैन
मलाई तिम्रो छाया त हैन माया नै चाहिन्छ
केवल यौवन हैन जीवन नै चाहिन्छ
शब्द : किरण खरेल
सङ्गीत र स्वर : शिवशङ्कर मानन्धर
