~आशांक उपाध्याय~
भुलेको छैन तिम्रो त्यों माया सांचेर बस्दैछु !
फालेको छैन तिम्रो त्यों आशा पूरा म गर्ने छु !!
म दिने छैन जानलाई खेर तिम्रो त्यों प्रतिज्ञा !
राख्ने छू तिम्रो आंशुको मान गर्दिन अवज्ञा !!
तिमीले मलाई कतिपो दियौ तिर्न त सक्दिन !
यो प्राण हून्जेल सम्मलाई मैले तिमीलाई भुल्दिन !!
के मात्र बांकी राख्यौ र आमा मलाई पाल्नलाई !
कतिको मेला धायनौ आमा यो पेट भर्नलाई !!
आफुले झुत्रो छोडीनौ आमा यो ज्यान ढाक्नलाई !
कहिले पनी थाकिनौ आमा सक्दिन भुल्नलाई !!
अहिले पनी त्यों माया मलाई घटेको छैन नि !
यतिका माया यो मेरो मनमा अटेको छैन नि !!
नसुक्ने तिम्रो मायाको कुवा मुलपानी जस्तो हो !
तिमी त मेरो जिन्दगी भर कै अमूल्य बस्तु हौ !!
– सर्लाही, जनकपुर, नेपाल
(स्रोत : रचनाकारको ब्लगबाट सभार)
