~रिजाल किरण~
छन्द : द्रुतविलम्वित
प्रगतिका पथमा रथ चल्नु छ
सुख र शान्ति यहीँ अब रम्नु छ ।
मयल यो मनको जब माझ्दछौ
श्रम र सीप गरी तब हाँस्दछौ ।।
लगन चित्त बनी जब लाग्दछौ
तब शिला पथका पनि गाल्दछौ ।
कर सँगै कर नै जब जोडिए
शिखरका चुचुरा तब चुम्दछौ ।।
सकल यो जगमा श्रम छर्नु छ
हर दिशा मनमा रङ भर्नु छ ।
कलुषता मनको मनमै रहोस्
दिल सँगै दिल नै झन् जोडियोस् ।।
सकसका पहरा ढलिजाउँन
मुलुकका लठुवा गलिजाउँन ।
गरिबका दिन बन्नु सधैँ भरी
प्रगतिमा गतिता बढिजाउँन ।।
धन्यवाद ।
ठेगाना :-विराटनगर -१
(स्रोत : रचनाकार स्वयंले ‘Kritisangraha@gmail.com‘ मा पठाईएको । )
