~बसन्त चौधरी~ 
आज देश दुखेको बेला
कुन शब्दले
सान्त्वना दिऊँ म,
रोइरहेछु म पनि
देखेर
विक्षिप्त आफ्नाहरू
हिमाल रोइरहेछ
मधेस झस्किरहेछ
पहाड तडपिरहेछ
प्रकृतिको महाविनासले
छोपेको बेला
कुन शब्दले
सान्त्वना दिऊँ म,
दुखिरहेछु म पनि
देखेर
आफ्नै आफन्तको घाउ
प्रलयको अन्धकारमा
विनासको यो धारमा
समयको कुचक्र हेर्दै
हृदय विव्ह्वल बनेको बेला
कुन शब्दले
सान्त्वना दिऊँ म,
तडपिरहेछु म पनि
देखेर
मेरै नेपाल र नेपाली पिडा
(स्रोत : रचनाकारको फेसबुकबाट सभार)
