~समुन्द्रा शर्मा~
तिम्रो-मेरो नाममा अविश्वासको छाप लाग्यो ।
ओत लाग्ने ठाउँ आज खुकुरीको दाप लाग्यो
हिँड्दै जाँदा जीवनका उकाली-ओरालीलाई
आफूमाथि राखिएको चट्टानको खाप लाग्यो
हिजोसम्म सँगै थियौँ परेवाको जोडीजस्तै
शीतल त्यो साथ तिम्रो आगाको राप लाग्यो
चोखो माया नबुझेर भौँतारिँदै हिँड्दाखेरि
गङ्गाजस्तै पवित्र यी आँसुको श्राप लाग्यो ।
श्रीमती शर्मा साहित्यसञ्चार समूहकी संस्थापक सदस्या, कवयित्री, कथाकार।
(स्रोत : साहित्यसरिता – माघ-फागुन-चैत-2061 अङ्क ४ )
